კოკა კოლა
ჩვენი კომპანიის სახელს უკავშირდება ამიერკავკასიაში ,,კოკა-კოლას” ყველაზე დიდი საწარმო, რომელიც ნატახტარში მდებარეობს.
საწარმოს ზომიდან გამომდინარე, ,,მეგობრობამ” აქამდე არნახული მასშტაბის პროექტი შეასრულა. პროექტის ფარგლებში დავამონტაჟეთ საუკეთესო ხარისხის ალუმინისგან დამზადებული ვიტრაჟები. ამასთან ერთად, ვიზრუნეთ, რომ პროექტში გამოყენებული მასალების ხანგრძლივი ექსპლუატაცია ყოფილიყო უზრუნველყოფილი. ამისთვის დავამზადეთ გამძლეობით გამორჩეული გარე კომპოზიტური პანელი, რომელსაც ექსპლუატაციის საუკეთესო მაჩვენებელი აქვს.
,,კოკა-კოლას” ქართული საწარმოს მთავარი ხელმძღვანელი, თემურ ჭყონია ამბობს, რომ შესრულებული პროექტი მართლაც მოწმობს ჩვენი კომპანიის სახელს, ,,მეგობრობას”.
აი, რა კომენტარს აკეთებს თემურ ჭყონია ,,კოკა-კოლას” პროექტის შესახებ: ,,როდესაც ვარჩევდით, თუ რომელი კომპანია დააკმაყოფილებდა მსოფლიო დონის სტანდარტებს, საქართველოს მასშტაბით ჩავატარეთ კვლევები. მსოფლიო დონის სტანდარტებში ვგულისხმობდით ხარისხს, მონტაჟის ვადას და ა.შ. ჩვენ მიერ შედგენილ სიაში ბევრი ქართული კომპანია მოხვდა, თუმცა ,,მეგობრობა” იყო ის საწარმო, რომელმაც ყველა სხვა გადაწონა და ევროპული დისციპლინის სტანდარტების დაცვის საუკეთესო მაგალითი აჩვენა”. თემურ ჭყონია ამბობს, რომ სამომავლოდ კვლავ გეგმავენ განსხვავებული პროექტების შესრულებას, რომლებშიც ,,მეგობრობა” მონაწილეობას აუცილებლად მიიღებს.